Typical Range 唔準?點睇先最準?

 In 科技。生活, 最新資訊, 新Tesla車主

有時同車主傾開計,好多都話咪錶顯示的續航距離唔準,實際係爭好遠。其實唔係個續航計算「發水」,了解清楚個計算方法,應該可以解決大家一直以來的疑惑。

咪錶的續航距離係點計出嚟?

咪錶所顯示的續航距離其實是 Typical Range 或 Rated Range,視乎車主於 system setting 選擇。有關 Typical Range 及 Rated Range 的分別,可參考我另一篇文章。但我相信大部分車主都係選擇 Typical Range。

Typical Range 是根據一般車主及不同銷售地區和型號而不同,Model S 70D 的 Typical Range 大約是以每公里用電量190Wh –  195Wh/km 計算,這是一個頗穩定的變數。所以,假設你這一程車好大腳,或者好多塞車,Typical Range 就不能夠反應你的真正續航距離。又或者科學啲講,只要你的每公里用電量大於你的 Typical Range 用電量 (i.e. 210Wh/km),Typical Range 就唔準。

Typical Range 唔準?點睇先最準?
⬆︎ 咪錶左下角顯示的續航距離

點計自己部車 Typical Range 的用電量?

想知自己部車 Typical Range 的用電量是幾多 Wh/km 很簡單,先將電池充到90%,咪錶左下角所顯示的里數就是 90% 電的 Typical Range,然後用這一條公式計算:

用電量 = 你部車的電池量 x 1000 / Typical Range x 90%

以我的 Model S 70D 為例,電池量為 70kWh,我 90% 電的 Typical Range 為 328km。用電量就等於 (70 x 1000 / 328) x 90% = 192Wh/km。

換言之,只要我平均用電量為 192Wh/km,咪錶顯示的 Typical Range 就準確。

我好難跟到 Typical Range 用電量揸,咁點睇先準?

方法好簡單,就係睇 Projected Range。當你於 17″ Dashboard 開啟 Energy App 後,畫面右方會出現Projected Range,這就是跟據你最近 10km / 25km / 50km 的每公里用電量所計算出的續航距離。

Typical Range 唔準?點睇先最準?
⬆︎ Energy App 的 Projected Range

以上圖為例,我用最近 50km 計算,左方為最近50公里的每公里平均秏電量 (188Wh/km),右方是以188Wh/km的平均秏電量所計算出的續航距離 (256km)。其實將兩者相乘,就是你現時的所餘電池量(188Wh x 256km / 1000 = 48.13kWh)。我的型號是Model S 70D,即是現時所餘電量為 69% (48.13 / 70)。