Tesla x Spotify 簡直不得了:試用報告

By
 In 最新資訊, 新Tesla車主

我之前都用開 Spotify 聽歌,再用藍芽輸出到車播歌。現在v7.1直接內置Spotify,揸車聽歌直頭去到另一個層次嘅享受。

 

免費的Premium Service

有用過Spotify用家都知道,Spotify分為 Free 及 Premium 兩種服務,兩者最大分別為 Free Account 並不能夠自行選擇歌曲、replay、中間加插廣告,以及音質一般。今次v7.1內置的 Spotify 是送給車主免費的 Premium Account,就算你本身有使用 Spotify Free Account,你亦可到 Controls > Setting > Apps > Media Player 用自己的 Account 登入,除了可讓你同步自己的 playlist 之餘,你的 Account Level 在車內更會自動 upgrade 做 Premium (不過其他地方使用依然為 Free Account)!

如果你沒有Spotify Account,是仍然可以使用 Tesla 提供給你的 Default Account,當然就只可以於車內使用。個人建議點都自己開返個 Spotify Account,然後自己加入一些自己喜歡的 playlist (網友提供資料:Premium Account 先可以 sync playlist),到時無論身處任何地方都可以聽自己的 playlist (個人認為 Spotify 比 Apple Music 更好用)。

 

幾乎咩歌都齊

v7.1 加入 Spotify 給我最大的impact是:隨時想聽咩歌都得!以往揸車聽歌,往往都局限於手機 / USB 內的Music Library。有了 Spotify 後,除了可以聽你聽開的 playlist 及適合你心情的預設 Music Station 外,現在還可以心血來潮聽啲好耐無聽過嘅歌或者新歌!Spotify 的 Music Library 真係幾齊,香港歌日本歌都有。早兩日跟老婆揸車講起古天樂的「今期流行」,就即刻 search Spotify,點知真係有!諗起咩歌就聽咩歌,揸車嘅享受簡直到左第二個層次!

⬆︎唔止古天樂,連黃宗澤嘅「最後祝福」都有
⬆︎唔止古天樂,連黃宗澤嘅「最後祝福」都有

隨自己心情揀歌

Spotify 其中一個最吸引我的地方,是有提供各種心情或場合的 playlist,然後你可以因應自己的心情或環境揀選適合自己的 playlist。

⬆︎唔同場合、唔同心情嘅playlists,應有盡有
⬆︎唔同場合、唔同心情嘅playlists,應有盡有
⬆︎個人幾喜歡聽Afternoon Acoustic這個playlist
⬆︎個人幾喜歡聽Afternoon Acoustic這個playlist

有時你未必知道自己呢一刻想聽咩歌,但係你一定知道自己呢一刻是什麼心情,跟住自己心情去揀playlist,然後 Spotify 會揀啱 feel 嘅歌俾你。我覺得 Spotify 比 Apple Music 更好用的最大原因,是Spotify playlist 的選歌比 Apple Music 更啱 mood。

將軚盤 shortcut 轉做揀 media source 還有一個實用功能,就是可以直接將歌 save 入自己的 Music Library。當你聽啱某一首歌想 save 入 Music Library 隨時再聽返,只需直接按軚盤的 shortcut 制就可以了。

⬆︎只需直接按軚盤的 shortcut 制就可以save music了。
⬆︎只需直接按軚盤的 shortcut 制就可以save music了。

後記

可能 v7.1 最大亮點是 Summon,但我相信對車主而言最實用的功能絕對是 Spotify。之前一直用USB / iPhone 駁藍芽聽歌已經覺得好滿意,點知原來可以再帶到另一個層次!忽發奇想,如果 Tesla 能夠再進一步跟 Shazam 合作,聽緊收音機聽啱首歌,然後襟一個制立即用 Shazam scan music,歌名便立即顯示於17″ Dashboard,然後再襟一下就可以喺 Spotify 聽返首歌,哇,咁真係不得了!

 

P.S. 有車主反映開唔到Spotify

有車主發現就算入 Controls > Setting > Apps > Media Player > Restore Tesla Account 都用唔到Spotify,可以嘗試 Reset 17″ dashboard – 同時按實軚盤左右正中間滾輪,直至畫面重啟 (下圖綠色)。