Tesla Model X 香港常見問題集

 In Top Banner Right, 新Tesla車主, 最新資訊

有見越來越多 Model X 車主陸續交車, 除了大家都是新車主外,當中還有一部分車主未接觸過電動車的。我以 Model X 車主及接近 2 年 Tesla 電動車齡的經驗,整理了一個 Model X 車主常見問題集,希望幫到大家。

還有,這篇不是勸敗文,我只是用自己對 Model X 的理解分享一下大家的常見問題,並不是要說服你去買 Model X,所以睇完都唔信就千祈唔好買。

基本問題

有關電動車的一般問題,例充電行到幾遠、充電時間、牌費、回售計劃等問題。
網站已詳細列出,未了解電動車的朋友,請 到此 參考。

電動車免稅暫時到 31/3/2017,現在買車應該趕不及 31/3/2017 交車,到時豈不是要俾雙倍車價?
個人意見,如果你有意買電動車,你今日仍然可以買。根據前財爺的特首選舉政鋼,我個人認為繼續免稅的機會很大。如不幸交車時沒有免稅,Tesla 亦保證會退還所有訂金,買車時只需要求 Tesla send 一封 B&W email 確認以上條款則可。還有按政府慣例,免稅會有寬限期的,所以即使你 31/3 前交唔切車,仍很大機會在寬限期內,繼續享有免稅優惠。

另外,15/3/2017 前有 $8,800 買車優惠,想獲取優惠請 按此

75D / 90D / 100D,哪一個型號推薦?
數字代表電池量,”75”代表電池量為 75kWh,越高電池量代表續航力越長。建議好簡單,睇 budget。根據 Electrek 的文章,以下為各電池的實際可用電池量。

75D – 72.6 kWh 可用電池量,續航約 366km
90D – 81.8 kWh 可用電池量,續航約 395km
100D – 98.4 kWh 可用電池量,續航約 456km

由於 90D 的實際可用電池量只有 81.8kWh,所以本人並不建議 90D,加上 90D 是舊電池,相信很快會停產,所以如果 budget 鬆動,就最好揀 100D。

Model X 的耗電量如何?
本人的 Model X 型號為 90D,家住新界,耗電量大約 198wh/km 左右。由於車身較重,相比起 Model S 180wh/km 左右的耗電量大約多出 10% 左右。

Model X 超級大部,會唔會好難睇位?
唔會。我自問駕駛技術一般 (識我嘅朋友都知我真係好一般),但 Model X 睇位好容易,我個人認為甚至比 Model S 更易,因為 Model S 兩個後輪都向上突起,有時都幾阻視線要估估下,但 Model X 就沒有這個問題,側鏡睇到幾多位就有幾多位。不妨試駕一下就會明白。

會唔會好多停車場都入唔到?
唔會,Model S 入到的停車場,基本上都完全入到。

窄位下翼門能否成功開到?
這是一直在香港很大爭議的問題。我嘗試在停車場每 10cm 泊近隔離車試翼門 (詳情),最後去到 28cm 左右開唔到,28cm 車距大約為一般舊式商場 (例如荃灣綠楊新村、政府停車場及其他舊式公屋停車場等) 車位的車距。不過,這個時候即使是一般私家車的後座車門,同樣是上落唔到車的。

經過一輪測試後,我發現幾個要點。第一,隔離車位幾窄都好,翼門都不會撞到隔離部車;第二,樓底高度會影響翼門開啟幅度;第三,樓底低的情況下,翼門會保守地以 Umbrella Mode 只開啟 3/4 翼門,但仍然可以手動將翼門全開;第四,如果車位阻到翼門開唔到,一般車後座車門都很大機會上落唔到車。總結以上幾點後,很簡單,只要車位正常闊度就無問題,唔夠闊就跟一般車一樣泊車前先落車。

我又覺得好得意,網上好多人無揸過部車就話道門開唔到,就算我試俾大家睇都會有人話開唔到,其實我沒有必要說服所有人,都係嗰句,無信心就千祈唔好買。

車頭玻璃去到頂,會唔會好曬?
因為車頂部分有隔熱和防 UV 塗層,我早上和黃昏對著太陽幹都可以無需戴太陽眼鏡駕車。交車時 Tesla 會送一塊專用的 sunshade,如果真的怕曬,可以裝上這個 sunshade。

model-x-sunshade
⬆︎ 隨車附送的 sunshade

6 座位 vs 7 座位?
睇需要,如果好多時需要坐滿 7 人就沒有辦法,否則個人強烈推薦 6 座位。7 座位多出的中排中間位,頭枕位置會遮住倒後鏡 80% 視線,接近廢了一樣,相反 6 座位就沒有這個問題,而且尾排乘客腳部會坐得比較舒適,出入亦較方便。

我睇完上面問題都仲好擔心。
好簡單,唔買就唔駛擔心!

Model X 新手車主篇

新 Tesla 車主的常見問題,例如泊車優惠、充電優惠、翼門測試、慳電心得、使用 Spotify 等。
網站已詳細列出,可參考 這裡

新 Tesla 車主的充電問題,例如充電站種類、充電心得、Supercharger 充電技巧等。
網站已詳細列出,可參考 這裡

到公共充電站充電有什麼潛規則嗎?
有的。電動車不同汽油車,無論快中慢速充電同樣需時,養成良好的充電態度變得十分重要。以下分享 4 個於公共充電站應遵守的態度,可參考 這裡

翼門每次都唔識自動全開,如何開盡?
翼門不能自動開盡,很大機會是處於室內。Model X 車頂備有超聲波探測,如處於室內泊車,Model X 能夠偵測到樓底比較低,從而只會保守地將翼門開啟 3/4 左右的幅度,但車主仍可手動將翼門進取地開啟至接近極限幅度,同時車主可直接於 Dashboard 儲存設定,當下次再到同一個地方泊車時,Model X 便會透過 GPS 功能及儲存的設定自動將翼門進取地開啟。這是一項相當貼心的功能,一來可避免系統過份進取地開啟翼門而引致意外,二來經車主肉眼確認可以開盡才開盡並永久儲存設定,十分適合經常停泊的地方例如住宅及公司的停車場車位。

tesla-model-x-hk-falcon-wing-door-save
⬆︎ 成功儲存後,dashboard會出現「在此位置,將始終全開」的按鍵

電尾門一樣都唔識自動全開,如何解決?
答案同上,如翼門儲存到全開,電尾門就會自動設定為全開。

車匙有什麼功能?
雙按車匙車頂:開啟司機門
雙按車匙車窗:開關鷗翼門
開啟/關閉鷗翼門途中按一下車匙車窗:停止鷗翼門開啟/關閉
雙按車匙車尾:開關電尾門
開啟/關閉電尾門途中按一下車匙車尾:停止電尾門開啟/關閉
雙按車匙車頭:開啟車頭蓋
按實車匙車尾不放:開啟充電接口
按一下車匙車頂:全車關門

新車有什麼補品可以買/做?
第一件事當然要先做鍍膜/保護貼!俾車仔彈花了才做就救唔返。鍍膜我個人強烈推介 GTECHNIQ ,我兩部 Tesla 都有幫襯 GTECHNIQ,非常專業及細心,這是我 Model S 做鍍膜的 review (按此),Model X 的會稍後補上。

其次是玻璃隔熱紙,我個推介 T&T Film Pro,手工很好,這是我 Model S 做隔熱紙的 review (按此)

另外,今時今日車 cam 都必需,我推介 Blackvue DR650S,因為有 Cloud 功能,如果識得駁車內長火 WiFi 手指,部車就可以成為 24 小時 CCTV,隨時隨地用手機 app check 車外情況,我有時甚至會泊在充電站對面,當用手機 app check 到無人充電,就會去停車場充電,唔駛每次估估下。而且不幸有人 hit & run,車 cam 的感應器都會即時紀錄低並立即用手機 App 通知你。

至於車cam DIY安裝,我尚在研究中。

blackvue-real-time-cctv-hk
⬆︎ 隨時隨地用手機 check 車外環境

Model X 的中速充電只有 29km/hr,相比 32km/hr 的 Model S 慢嗎?
不是。兩部車充電充度是一樣的,只是由於 Model X 耗電量較高,所以同 1 度電下, Model X 續航力相對較低。

相關文章
  • 返Tesla維修 + 更換 Model X 新式翼門開關制

    話說上個月幾乎日日都落大雨,翼門引水道開始出現問題,每次大雨泊室外再取車時,車頂所積聚的雨水都會流落座椅,搞到我個仔 car seat 濕晒坐唔到,所以急急打去 Tesla 維修。

  • [進階篇]香港停車場實試 Model X 翼門

    香港停車場遠比外國窄,樓底又矮,未收車前總會擔心翼門會否開唔到,就算開到都會否撞到隔離部車,甚至撞埋天花。我比較重視科學精神,與其每次泊車都估估下,倒不如試盡佢。

  • [入門篇] Model X 開關門方式一覽

    已經收車幾天了,Model X 結構比較複雜,尤其鷗翼門吧,前前後後花了幾天時間了解鷗翼門的運作,現在總算初步掌握到 Model X 鷗翼門的操作原理,現在逐一分享個人心得給準備收車的車主,先開始入門篇,希望幫到大家。