fbpx

Tesla 開始測試 software v8.0

 In 最新資訊, 最新評測

根據 electrek 報導,最近部分外國 Tesla 車主已獲 v8.0 beta 版本測試,根據用戶報告,v8.0 主要更新分別有:

Autopilot 增加新功能

v8.0 將能夠打燈 cut 線離開 highway (香港應該用唔到),以及提升 TACCAutosteer 反應。

全新用戶介面

v8.0 用戶界面將會是 Model S 推出有史以來最大型的更新,比 v7.0 更新得更徹底。

重新設計Google Maps及導航系統

重新設計的導航系統終於可以揀其他路線!

加強語音操控功能

可以無需再press & hold聲控制才可以俾指令,v8.0將可以直接聲控 (i.e. Hey Tesla, direct me to Elements??)

Media Player介面更新

據聞 Media Player 介面將大幅改動。

根據v7.0經驗,beta測試大約用 2 個月時間。香港通常遲 1 個月,希望最快可以 9 月可以用到!

個人觀點

以上更新無疑係相當吸引,但作為香港 Tesla 車主,我地仲要過到運輸署呢關。個人認為除了Autopilot更新外,以上功能運輸署正常情況下應該都會批….嗯,係正常情況下。

現在 Tesla 正重新向運輸署申請批準使用 Calendar 功能,希望 v8.0 更新前可以批到。講起運輸署,根據 香港電動車會Charged.HK 一同與運輸署開會的內容得知,原來大家都怪錯咗運輸署,Web Browser 及 Summon 等功能並唔係運輸署唔批,而係 Tesla HK 並無向運輸署申請批準使用呢兩項功能。香港法例下唔批 Summon 都理解,但 Web Browser 如果唔影響駕駛情況下使用,照計獲批成數都唔低,我又唔明白點解 Tesla HK 未見官先打八十… 近期 Tesla HK 頻頻出現公關危機,明白 Tesla HK 喺香港仲係新,而且好多問題都係前所未見。但作為 Tesla 愛好者,希望 Tesla HK 能夠多點站在車主角度出發,盡快解決車主當前面對的充電及維修保養等問題。

0