fbpx

Tesla 新租荃灣地廠,佔地 11 萬呎設新維修中心?

 In 最新資訊

Tesla 於早前的 Tesla Special Event HK 提及過將會於今年開設更多 service centre。到最近於網上睇到一則新聞 「荃灣東南工廈及江南工廈地廠,租予知名電動車生產商 Tesla」,該篇報導指出 Tesla 將會租用此地廠 (地廠即是位於地下層的工廠大廈單位) 作陳列室及維修中心之用。因為我的 office 很近荃灣 Tesla (其實只係隔離),每天都會經過東南及江南工廈,我就唔係好明呢個位置係點做陳列室,好奇心驅使下就行去一探究竟。

 

東南工廈及江南工廈位置

東南工廈及江南工廈非常近荃灣 Tesla showroom,以步行時間計,大約只需五分鐘路程,所以某程度上算係隔離。用 Google Maps 開啟

⬆︎江南工廈跟 Tesla showroom 相當近,東南工廈就在隔離
⬆︎江南工廈跟 Tesla showroom 相當近,東南工廈就在隔離
⬆︎圖右:江南工廈,圖左:東南工廈
⬆︎圖右:江南工廈,圖左:東南工廈

真係做 showroom?

今次 Tesla 租用的地方佔地 11 萬方呎,比之前的位於 TML Tower  1 萬呎的 service centre 大幅擴充達 11 倍,肉眼所見真係大過之前好多,應該是地廠全層租用。我比較好奇呢個地方點做到 showroom,所以我就兜了一圈了解清楚。

如果係做 showroom,正路嚟講大門應該面向青山公路 (向海),多車流之餘又做到 brand building,但我發現無論車輛跟行人都係入唔到去,結果我就行去另一邊睇。

⬆︎向青山公路的一面,出面有鐵欄圍住,無論車同人都唔能夠入去
⬆︎向青山公路的一面,出面有鐵欄圍住,無論車同人都唔能夠入去
⬆︎隔離停泊了一部 Model S 及見到 Tesla 職員,單位亦已開始動工
⬆︎隔離停泊了一部 Model S 及見到 Tesla 職員,單位亦已開始動工

行到另一邊,完全見唔到有任何地舖的門口,但再行多兩步,見到一個屬於「中央棉織有限公司」的入口,由於 Tesla 租用的單位舊址正正是中央棉織有限公司,剛好又見到一部 Model S 就這個入口駛出,所以這個入口極大可能是新的 Tesla serivce centre 入口。Google Maps 位置

⬆︎江南工廈跟東南工廈是沒有任何地舖的
⬆︎江南工廈跟東南工廈是沒有任何地舖的
⬆︎這個很大機會是將來 Tesla service centre 的入口
⬆︎這個很大機會是將來 Tesla service centre 的入口

新址似係 service centre 多過 showroom

站於 showroom 角度,位置上我睇唔到新位置會好得過現時 TML Tower 的 Tesla showroom 位置。如果係 service centre 就唔同,因為 service centre 唔一定要位置靚。我膽粗粗估計,江南及東南將只會是 Tesla 新的 service centre,Tesla 唔同其他車廠,暫時都只得 Model S 一款車,所以暫時不需要租用一個佔地面積更大的 showroom,所以 Tesla 應該會繼續沿用現時的 showroom,相信 Model X 到港後會租用隔離丟空的地舖擴充,都好過將 showroom 設於無咁顯眼又無咁就腳的江南工廈吧。

⬆︎到 Model X 到港,相信會租埋隔離的單位吧 (個人估計)
⬆︎到 Model X 到港,相信會租埋隔離的單位吧 (個人估計)

總結

對上一次打返 Tesla 話想裝 centre console,竟然要等 3 個月,有去過 service centre 的都會見到路邊泊滿 Model S。新址佔地比原有 service centre 11 倍,如果真係變成 service centre 如果佢用 10 萬呎做 admin office 我無話可說,應能夠大幅改善交車及維修時間等問題,對於我們一班車主而言絕對是好事。

0