Model 3 細節資料整理

 In 最新資訊, 最新評測, Feature Second, banner-right

短短 3 天,Tesla Model 3 的全球預訂數目急升至 276,000 部,遠超 Tesla 預期的 50,000部。Model 3 發佈會過後,準買家都希望了解更多有關 Model 3 的細節,以下整理了幾點,尤其是與香港市場有關的,供大家參考。

⬆︎ 連 Elon Musk 本人都無預期到 Model 3 會咁爆,要重新考慮整條生產線
⬆︎ 連 Elon Musk 本人都無預期到 Model 3 會咁爆,要重新考慮整條生產線

車頭設計有機會轉

好多人反映 Model 3 車頭唔靚,仲有啲似 Porsche,Elon Musk 表示車頭設計是未 confirm,還有機會改的。

⬆︎好多人話車頭似Porsche,我現場睇都覺得有點似
⬆︎好多人話車頭似Porsche,我現場睇都覺得有點似
⬆︎ 車頭設計仍有機會改
⬆︎ 車頭設計仍有機會改

儀錶板唔一定冇!

Model 3 發佈會當日的 prototype 是無儀錶板的,網上評價不一。至於製成品會否加回儀錶板,原來暫時都未確定的,要留待 Model 3 uneviling part 2 公佈細節。

⬆︎ Model 3 prototype 是沒有儀錶板的
⬆︎ Model 3 prototype 是沒有儀錶板的
⬆︎ 儀錶板會否回歸,要留待 part 2 公佈
⬆︎ 儀錶板會否回歸,要留待 part 2 公佈

Model 3 標準配備是後驅,AWD 四驅係option

同樣根據 Elon Musk Twitter,Model 3 標準配備是 RWD。

⬆︎ Model 3 標配為 RWD,AWD 四驅是 option
⬆︎ Model 3 標配為 RWD,AWD 四驅是 option

車價 US$35,000,未必代表香港賣HK$273,000

鳴謝網友 Louis Chan 提點,雖然 Model 3 車價為 US$35,000 起步,並不代表在港車價等同 US$35,000 x 7.8 = HK$273,000。留意美國的 Model S 車價 (美國訂購頁面) 與香港的 Model S 車價 (香港訂購頁面),是不同的。美國 Model S 70D 車價為 US$75,000 (約HK$585,000),香港則為 HK$619,000。我嘗試到其他國家的訂購網頁,發現各地的車價有差異的 (例如英國車價約 HK$650,000),所以 Model 3 在港的車價,未必是直接 x 7.8 = HK$273,000。根據兩地 Model S 的車價差異,我相信來港車價有機會是 HK$300,000左右。

⬆︎ 美國 Model S 70D 賣 US$75,000,換算為約 HK$585,000
⬆︎ 美國 Model S 70D 賣 US$75,000,換算為約 HK$585,000
⬆︎ 香港 Model S 70D 車價為 HK$619,000,比美國貴 HK$34,000左右
⬆︎ 香港 Model S 70D 車價為 HK$619,000,比美國貴 HK$34,000左右

到時香港電動車仲係咪免稅?

政府為電動車提供「豁免電動車首次登記稅」暫時到 2017 年 3 月 31 日前為止,政府會否繼續電動車免稅,相信暫時都無人知。

個人推測,睇過咁多政府文件,so far 我覺得政府仍然很鼓勵電動車的,始終道路上多一部電動車,點都好過多一部汽油車,如果政府收返好似汽油車嘅 100% 稅,我覺得唔多 make sense。

香港交車最快 2018年底?

根據 Tesla 公佈的全球交車先後次序,Model 3 將於 2017 年底開始生產,由北美洲為第一批收車、其次到歐洲、亞洲,最後先到右軚版本。如果根據過往 Model S 的全球交車時間表,香港會比美國遲 1 年左右交車。雖然 Model 3 生產線將會比 Model S / X 更大,但現在全球預訂數字咁爆,香港是否真係遲 1 年咁少就不得而知了。

究竟今日先至喺美國 online 訂 Model 3 嘅買家,會唔會仲先過我哋 31/3 喺香港 showroom 排隊訂車還要早交車?我 tweet 咗 Elon Musk,正等候佢回覆。

交車先後次序視乎款式而定

就算同一個地方訂 Model 3,交車先後次序並不只由預訂先後而定,亦會由選購的款式而定。Tesla 會先生產最高級型號,然後到中階,再到入門級。例如你選購 Model 3 最高級型號 (PXXD?),你將會比選購入門級的買家更早交車。

31/3 到 showroom 排隊訂車準車主,會有小禮物

根據 Elon Musk twitter,每間 showroom 排隊訂車的買家,將會得到一個 Token of appreciation。