Model 3 正式發佈!附個人坐後感

 In 最新資訊, Feature Top, banner-middle

千呼萬喚,Model 3 終於正式發佈,一部事前沒有公開過外型的電動車,一間短短幾年歷史的汽車製造商,竟然能夠於短短 24 小時內收到 115,000 部訂單,可謂汽車業界神話。

⬆︎ 即場俾客人 online 訂 Model 3
⬆︎ 即場俾客人 online 訂 Model 3
⬆︎ Elon Musk,又一顛覆傳統的傳奇人物
⬆︎ Elon Musk,又一顛覆傳統的傳奇人物

外型設計

以下分享 Model 3 外觀、內籠及個人感想。首先再一次申報自己的狀況,本人並非汽車發燒友,好多性能上的專有名詞我都唔係太過識 (好漸愧,我都係早幾日先知咩叫做飽魚),所以我只會用一個用家的角度去分享我親身體驗到的 Model 3

另外,由於現在係美國時間凌晨四點幾,我真係好眼瞓,如果打錯咗字請大家見諒…

 

Model 3 特色

  • 續航力 344km (估計是 Rated Range,換算返 Typical Range 應該都有 270km。Rated Range 及 Typical Range 的分別可了解我的另一篇文章:Rated Range vs Typical Range
  • 0-100km 起步少於6秒 (估計視乎型號而定,我試坐嗰部好明顯快過 70D)
  • 5 座位,後坐可以坐 3 個成人
  • 5 星安全評級
  • Autopilot
  • Supercharger (如果有留意到 Live,個 keynote 係寫住 “Supercharging Capability”,即係有機會是 option)
⬆︎好多人話車頭似Porsche,我現場睇都覺得有點似
⬆︎好多人話車頭似Porsche,我現場睇都覺得有點似
⬆︎現場睇,車身大小跟 Audi A5 相若
⬆︎現場睇,車身大小跟 Audi A5 相若
⬆︎目測應該係19"鈴
⬆︎目測應該係19"鈴

就現場睇,個款真係唔錯,反而返到黎上網睇返 Tesla website 的 Model 3 無實物見到咁靚。實物線條幾突出 (我唔識分咩叫 ABC 柱…)。車頭的確幾似 Porsche,部車就一定細過 Model S,比較接近 Audi A5 Sportback。網上對外型有讚有彈,不過這部 Model 3 只是 prototype,一日未正式推出,外型還有機會改變的,當年 Model X prototype 跟正式版都是不同的。值得一提是門柄設計跟 Model S 不同,雖然門柄同樣是收藏在車門內,但 Model 3 開門是需要人手按壓門柄的。

⬆︎門柄表面設計跟 Model S 一樣,但 Model 3 是用按壓門柄開門的
⬆︎門柄表面設計跟 Model S 一樣,但 Model 3 是用按壓門柄開門的

天窗係其中我最喜歡的部分,基本上 Model 3 全個車頂都幾乎由玻璃組成,實物見到真係型到不得了!如果擔心成塊玻璃會曬死、玻璃爆咗點算?好簡單,天窗九成九都係option,唔加咪得囉!

⬆︎我覺得最型係個天窗去到車尾!
⬆︎我覺得最型係個天窗去到車尾!
⬆︎ 留意車頂設計,係由前中後 3 塊玻璃組成
⬆︎ 留意車頂設計,係由前中後 3 塊玻璃組成

整體而言,以 27 萬呢個價位,外型已經超晒班!奉勸大家唔好同 Model S 比,如果我係 Tesla designer,我都唔會設計一部平 Model S 一半,但外型靚過 Model S 的 Model 3 黎倒自己米!

內籠設計及性能

由於 Test Ride 只有短短 3 – 4 分鐘,所以影唔到好多。雖然外型體積接近 Audi A5,但內籠就接近 Audi A6,前座都幾寬敞舒適。車主好關心的 center console 係有的,但係儀錶板就無左,即係話軚盤後面係乜都無的。咁點睇車速?所有資訊都集中在 15″ 的dashboard內,車速顯示在畫面左上方接近軚盤位置,到右軚版本推出時,估計車速就應該會顯示到右上方吧。我當時都有問點解無左儀錶板,佢地答案係話想將資訊集中在一個大 screen,令駕駛時唔會俾 2 個 mon 分散注意力。

⬆︎15" Dashboard,留意左邊係無儀錶版,全部集中一個 Dashboard
⬆︎15" Dashboard,留意左邊係無儀錶版,全部集中一個 Dashboard
⬆︎擋風玻璃設計有點像 Model X,但未到頭頂
⬆︎擋風玻璃設計有點像 Model X,但未到頭頂
⬆︎ 雖然 Audi A5 size,但 Model 3 內籠大好多,前坐好闊落
⬆︎ 雖然 Audi A5 size,但 Model 3 內籠大好多,前坐好闊落

至於性能方面,起步加速比我部 Model S 70D 更勁!相信應該係 Model 3 最高型號所帶來的爆炸力。如果最 basic model,官方宣稱 0-100km 少於 6 秒,加上電動車先天設計,起步速度遠超同級汽油車係一定。

個人感想:27萬,咁嘅級數,仲想點?

建議大家先唔好同 Model S 比較,如果 Model 3 贏 Model S,仲邊會有人買 Model S?要比較就同以下同樣價錢嘅車款比較。

⬆︎ 同樣 27 萬,你會揀邊部?(按圖放大)
⬆︎ 同樣 27 萬,你會揀邊部?(按圖放大)

睇完幅圖,講完。