3M車窗隔熱紙:實用之餘仲慳到電

一直都沒有貼隔熱紙的習慣,但揸了 Tesla 一年,仍然覺得車頭擋風玻璃太曬。Tesla 有別於其他傳統車廠,車頭玻璃頂部沒有加強隔熱塗層,尤其我住新界西,每朝返工放工行屯門公路都跟太陽對著幹,相比起以往揸歐洲車,Tesla 的車窗明顯隔熱比較差。最近上網做隔熱紙的資料搜集,發現很多貪平去淘寶買茶紙中伏的慘痛經歷。早兩日有網友分享 3M 做隔熱紙連工包料特價的 promotion,我就有點心郁了。

tesla-glass-sunlight
⬆︎ 11月中都仲係咁曬,這一年來每天上下班都要跟太陽對著幹,最後頂唔順!

我本身並不喜歡貼好黑的隔熱紙

人人喜好不同,我本身並不喜歡貼好黑的隔熱紙,亦從來沒有想過將自己部車改裝到變成辣跑,所以dechrome、黑鈴、大包圍、甚至深黑色車窗我都並無大興趣。如果貼完隔熱紙會令玻璃望落去變得好暗,我情願跟太陽對著幹都唔會貼隔熱紙。所以,我確定貼隔熱紙之前就先去位於荃灣的 3M 特約店舖先了解一下有關隔熱紙的資料。

tesla-3m-thermal-insulation-paper-0
⬆︎ 店舖內展示了各種顏色及效果的隔熱紙

家中很多清潔日用品都用 3M,所以從來無懷疑 3M 產品的質素,反而我比較 concern 隔熱紙顏色會否太深、隔熱效能及能否符合運輸署的規定。值得一讚的是,這間 T&T Film Pro 的老闆 Tim 很 nice 很坦白,Tim 詳細解釋了整個施工程序,隔熱紙的效果和限制,亦會於完成後替我向運輸署申請車輛豁免。他即場展示了一個燈箱,對比有貼隔熱紙和無貼隔熱紙下的熱力,原來效果真的幾顯著。大拿拿幾十萬的車,真係唔好貪平而中伏,加上屋企人經常投訴太曬,最後平衡了隔熱紙質素、服務質素及價錢下,最後選擇了這個 3M 隔熱紙。

個人推介 CR90 CR70

根據 Tim 講解,運輸署規定車頭玻璃及第一行車窗玻璃的透光率不可低於 70%,第二行車窗及車尾玻璃不可低於 44%,我最後揀選了 CR90 及 CR70 款色,貪佢貼咗好似無貼,而確保符合運輸署規定 ,還可以即日取車。

tesla-tt-film-pro-2
⬆︎ 因為全程都會用水貼隔熱紙,所以事前會先貼好保護紙以免弄汚內籠
tesla-tt-film-pro-6
⬆︎ 老闆 Tim 係慢工出細貨之人 (無得到佢同意,所以都係遮一遮個樣)
tesla-tt-film-pro-1
⬆︎ 貼上隔熱紙後,前排玻璃透光度剛好 70%,合符運輸署規定

效果:貼咗好似無貼一樣

雖然講過好多次,我本身真係好怕貼隔熱紙會令車窗很深色,但貼後效果很好,唔講真係唔知道貼咗,我分享一些戶外相片給大家睇睇。

tesla-3m-thermal-insulation-paper-1
⬆︎ 呢張係無貼到...就假嘅,係咪貼咗都唔覺?
tesla-3m-thermal-insulation-paper-2
⬆︎ 開車門才會比較明顯
tesla-3m-thermal-insulation-paper-3
⬆︎ 側面睇,仍可以透視兩塊車窗後的物件,第二排車窗亦未有顯得較暗,保持斯文外觀

防眩效果提升

如果單從外觀,貼上 CR90 及 CR70 隔熱膜前後是幾乎沒有分別的,剩低就是實際上的功用。經過兩日的體驗,我可以用「實而不華」形容。由於我是晚上取車,取車後第一個明顯分別就是後方車輛的眩光進一步減弱了,Tesla 本身的防眩光效果已經不錯,但貼隔熱紙後效果更理想。

喜出望外:慳到電!

到第二朝於屯門公路對著太陽幹,雖然未致於可以若無其事地睜大雙眼,但明顯感覺到車廂無平時咁熱。我平常車廂冷氣一直都維持於 20.5 – 21.5 度左右,但這兩天我都要調高到 22 – 22.5 度。亦因為冷氣開細了,冷氣用電量亦較小,原先我每程車大約用電量約 193 Wh/km,貼上隔熱膜後連續兩日用電量降低到約 182 Wh/km,慳了約 6% 電,變相續航力提升了 6%,這絕對是對充電配套不足的電動車車主而言喜出望外的地方。

tesla-3m-thermal-insulation-paper-4
⬆︎ 這兩天我都要調高到 22 - 22.5 度
tesla-tt-film-pro-5
⬆︎ 連續兩日用電量降低到約 182 Wh/km

至於防爆

至於官方聲稱貼上隔熱紙玻璃可以防爆… 抱歉小弟未有膽量實測,不過正如打風貼膠紙的道理一樣,理論上遇上石仔撞擊的確可以令玻璃無咁易碎。Tesla 車頭玻璃比一般歐洲車薄,經常都有車主俾石仔彈裂玻璃,貼上隔熱紙某程度上都可以勉強保護到乘客安全 (不過前題是要隔熱紙完全貼實玻璃吧)。題外話,無論你有無曾經俾石仔彈裂玻璃,強烈建議大家去 Amazon 買返枝 Rainx Windshield Repair Kit 看門口,連運費都只是大約 HK$140 左右,想了解效果可以閱讀我早前的文章 如何 DIY 簡單修補擋風玻璃裂痕

後記:繼續支持有心年輕老闆

有留意開我文章的車友都知道,我一直都很支持小店的,因為手作很需要用心,我相信無一位車主希望自己的愛車被流水式作業看待。所有有關汽車美容,我發現親力親為的店主一般都比較細心,這亦是我今次推介 T&T Film Pro 的原因。

tesla-tt-film-pro-0

如果要說貼隔熱紙後的缺點,就是車廂比起之前暗淡了少許,不過仍屬於可接受的程度,畢竟可以隔熱、防眩光、防爆(?)、甚至可以慳電,事後覺得這一點點的取捨是值得。我是趁淡季有 promotion offer HK$4,800 才去做,在商言商,到明年夏季,我相信好大機會唔係呢個價錢,趁還有 offer 而又有需要,可以支持一下這班有心年輕老闆。

相關文章