香港 Tesla Model S 車主的 Model 3 開箱文

 In Model 3, 最新資訊, 最新評測, Feature Top, banner-middle

由交車至今已經有 2 星期了,係時候先寫一個簡單的 Tesla Model 3 Review。

先交代少少背景,有睇開我 blog 的朋友都知道,我曾經是 Model S 和 Model X 的車主,所以對 Tesla 三大車款都有一定認識,今次我購買的 Model 3 是 Performance Model,所以以下的評測都是建基於 Model 3 Performance 而寫的。

車身大小很適合香港

我揸 Tesla 之前是揸 Audi A5 的,當年這個大小對我而是適中的,現時揸了 Tesla 不經不覺已經有 4 年,因為很喜歡 Tesla 的駕駛體驗和科技感,一直都返唔到轉頭揸返汽油車,但 Model S / X 對我而言就是車身始終太大。自從揸了 Tesla 後很多停車場都唔太夠膽入,尤其房署公屋的停車場,轉了 Model X 後有些停車場泊位後有時甚至開唔到門上落車。轉返車身較細的 Model 3,第一個感覺就是覺得車身大小剛剛好,可能揸了 4 年大車,揸了 Model 3 短短 2 星期,我基本上所有停車場都唔會擔心停車場窄的問題了。跟美國相比,香港的路面和車位都相對窄很多,所以我認為 Model 3 的車身大小很適合香港路面情況。至少這兩星期,我覺得出出入入都很舒服,很隨心所欲。

tesla-guide-hk-model-3-review-2
⬆︎ 這兩星期,我覺得出出入入都很舒服,很隨心所欲

Model S / X 的確內籠很寬敞,雖然 Model 3 的車身大小跟 BMW 3 系、Audi 4系及 Benz C-Class 相若,但如果你坐過 Model 3 的話,你會發覺內籠相對起來寬趟一點。從另一個角度,至少我從 Model X 轉過來 Model 3 並無覺得內籠好細,我認為日常出入,這個空間感是足夠的。

內籠比 Model S 紥實及寧靜,設計簡約到一個點

在路面駕駛時,你會發現跟 Model S 相對比較紥實,而且更加寧靜,摩打運轉的聲音比以往更細,所以我經常同朋友講其實 Model 3 根本就係 next generation,只係 Tesla 唔希望公開承認,令 Model S 同 Model 3 直接競爭。

tesla-guide-hk-model-3-review-6
⬆︎ 自問幾喜歡簡約設計

自問幾喜歡簡約設計,我不喜歡太多按鈕,當年一出 iPhone 第一代已經返唔到轉頭,所以 Model 3 給我第一個感覺,就是比 Model S / X 簡約程度更徹底,相對其他汽油車而言,可以話係 BlackBerry vs iPhone。Model 3 內籠絕對談不上豪華,只能稱為極簡約,因為所有按鈕幾乎擺晒入屏幕內了。所以視乎你追求的是科技還是豪華,如果你追求豪華,最好揀返汽油車了。

tesla-guide-hk-model-3-review-7
⬆︎ 如果你追求豪華,最好揀返汽油車了
tesla-guide-hk-model-3-review-11
⬆︎ 全玻璃天幕,我個仔每次經過汀九橋望上去都好興奮

電池效能大躍進

如果你無揸過 Tesla,我可以簡單一句概括俾你,就是電池效率高過 Model S / X,同一樣電池大小,Model 3 可以走得更遠。

但如果你本身有揸 Model S,我可以具體少少比較一下。當年我揸 Model S 70D 21” 鈴,我本身每日出入屯門公路,可以做到 190Wh/km,但現在我揸 Model 3 Performance 20” 鈴,可以做到 143Wh/km,即是能源效能足足提升 25%。有揸 Model X 的,更加會明白 143Wh/km 是一個無可能達到的數值。Model 3 Standard Range+ 更誇張,最近有車友做到 109Wh/km….

tesla-guide-hk-model-3-review-13
⬆︎ 電池效率高過 Model S / X

除了每公里用電量外,大家同樣會關心停車 idle time 的 energy loss,暫時跟 Model S / X 差不多,每日大約有 10 – 15km energy loss。

Model 3 Performance 的電池是 75kWh,可用電量有 74kWh,官方 90% 電量的續航距離為 450km,換言之官方假設用電量為 165Wh/km,如果你做到每公里用電量少於這個數值,你甚至可以超過官方的續航距離,如果轉用 18” 或 19” 鈴的話,續航距離可以更高。實測的話,我試過 4 日內由 90% 電行到386km,最後有 3x km 剩,所以今次 Model 3 的官方續航距離,水份已經遠比以前 Model S / X 年代少很多了。

(至於 Model 3 Standard Range+ 的電池是 55kWh,可用電量為 50kWh,官方 90% 電量的續航距離為 340km,換言之官方假設用電量為 146Wh/km)

tesla-guide-hk-model-3-review-3

出街唔駛再帶車匙

相信很多朋友都知道 Model 3 係無配車匙的 (不過有需要都可以返 Tesla 另外購買),我自己以往平日將車匙放褲袋的,因為怕整花條車匙,所以一直以黎車匙都佔用了我一格褲袋,一直都期待無需帶車匙開車。Model S / X 其實都可以勉強做到唔帶車匙,但每次解鎖都要開 Tesla App 㩒制解鎖,而且需要連接網絡,當其中一邊網絡接收不到的話,就不能夠解鎖,而且連接網絡亦需時,所以我過往一直都會帶車匙出街。

但 Model 3 就轉了玩法,只要你手機的 Tesla App 配對了你部 Model 3,平日電話只需要袋喺身,你就可以直接開車門解鎖開車,當中使用的是藍芽技術,所以無需要網絡連接都可以。

對我呢種銀包最多放三四張卡的人而言,無需再帶車匙出街就係正。

tesla-guide-hk-model-3-review-14
⬆︎ Model 3 獨有的 Phone Key 功能

由 2 個屏幕變 1 個屏幕

好多人起初都覺得,前面沒有儀錶板會變得好唔方便,但揸落左不需半小時,我已經可以習慣,分別只在於你平時揸車主眼望下面變成眼尾望左面,對日常使用完全無影響。

至於由 2 個屏幕變 1 個屏幕,影響又大唔大?我頭 2 日的確覺得無咁方便,第一,本身 Model S / X 導航時,前方儀錶板係可以直接睇到路口位仔細的行車線,現在改為要喺左邊屏幕睇,細緻程度都不及Model S / X。

第二,以往 Model S / X 左邊屏幕畫面上下分割,上半長期睇地圖,下半長期 Spotify 或其他 App,一個畫面睇晒。現在揀完歌 / 開完 App 就要有手尾咁 close 返 Spotify 個 window 先可以睇得返地圖,初期又未識用 shortcut,呢一點令我覺得最唔方便。

但揸左幾日後,開始慢慢熟習全新介面之後,又變返好得心應手,其實 Model 3 個介面背後係隱藏住好多方便的 shortcut 令你好快可以用到想用的功能,所以到現在我幾習慣 Model 3 介面了。

不過如果你完全唔識用 shortcut 的話,個介面令你覺得麻煩或難用係絕對理解的,所以遲少少我會嘗試整理一個 shortcut 列表俾大家參考,希望可以方便大家。

屏幕系統反應速度大幅提升

相信有揸開 Model S / X 的車主,如果你的車款是免稅時代生產的,都會覺得屏幕系統非常慢,尤其開 Google Maps 放大縮小都要 load 好耐,揀歌又 load 得慢。但 Model 3 是採用全新的 MCU,所以系統速度大為提升,無論 Google Maps、Spotify、語音功能反應都非常敏捷。

充電速度效能同樣大躍進

正如上文提到,由於 Model 3 電池效能提升,所以同樣的充電速度,你會發現 Model 3 充電時間短很多。簡單例子,我平日續航剩下 100km 左右就一定會去充電,以往我揸 Model X 90D 到 Supercharger 充電到 90% 通常都要 1 – 1.5小時左右,但現在 Model 3,我大約 40 分鐘就由 100km 充電到 90% (450km)。

tesla-guide-hk-model-3-review-12
⬆︎ 同樣的充電速度,你會發現 Model 3 充電時間短很多

不過另一面睇,以往我到商場趁充電時會同家人食飯,隔 1 小時才揸走部車,時間啱啱好,但現在都未食晒野就要衝返落去揸走部車 😳

另外由於 Model 3 充電插口轉做 CCS 制式,意味住到中電快速充電站可以直接使用 CCS 插頭,無需要再買 CHAdeMO 轉插器了,但試過將車位泊到最右邊個位的話,條線係唔夠長充電的。

內置車 cam,基本上車cam錢都可以慳返

Model 3 內置的鏡頭,只需要一隻 USB 手指,就可以將鏡頭用作車 cam 使用,而且可以錄影前、左、右、後 4 個方位。質素方面老實說一定比不上街外購買的車 cam,但如果只作紀錄車牌這些基本功能,Tesla 內置的車 cam 是足以做到的。

tesla-guide-hk-model-3-review-10
⬆︎ Model 3 內置的鏡頭可以將鏡頭用作車 cam 使用

要吐糟的地方

Model 3 當然不是完美,以下都是我覺得要吐糟的地方

  • 車門開關很麻煩,無論外面還是裡面,朋友們很多時都不清楚如何開門,有時甚至要落車幫手開門
  • 車身內籠非常易刮花,需要額外購買補品保護內籠
  • 依然是 Tesla 出品的造工級數,不能跟歐洲車相提並論
  • ….暫時好似諗唔到了
tesla-guide-hk-model-3-review-9
⬆︎ 朋友們很多時都不清楚如何開門
tesla-guide-hk-model-3-review-8
⬆︎ 就咁睇,真係好難知道邊個制係用黎開車門

Model 3 is the Next Generation

如果你還未買過 Tesla 電動車的話,我可以給予以下我個人意見:

  • 如果你只希望將駕駛電動車成本降到最低,無論車價上和免費 Supercharger 這兩點,二手 Model S 絕對比較吸引。
  • 另外如果你需要車廂非常寬趟,Model S 同樣佔優 (但我不認為 Model 3 車廂窄)。
tesla-guide-hk-model-3-review-5

相反,我會覺得 Model 3 其他部分都幾乎完勝了。Model 3 技術上跟 Model S / X 相比其實就係兩個 generation,始終 Model S 跟 Model 3 技術亦相隔了 4 年,我認為 Tesla 很大野心去為市場重新定義「入門級」車款。

又或者咁講,今日比你揀,你會揀 $2,000 買到的二手 iPhone 7,還是 $6,000 買到的全新 iPhone 11?

經下面條link訂購 Model S / X / 3,可享有最少 1,500km 免費 Supercharger 充電額度。
http://ts.la/chris5532