香港的 Tesla Auto Parking 體驗

 In Model S/X, 最新資訊, 最新評測

我發現好多車主其實都唔係太識用Auto Parking功能,所以今次拍左條片簡單分享點開啟Auto Parking,同埋分享一下對於Auto Parking嘅感想。

個人感想

個人認為係相當實用的功能,並唔係gimmick,而真係有用。對於體積比一般車更大部嘅Tesla Model S就更加顯得實用。雖然Auto Parking只支援泊S位 (講真L位真係好易泊…),但我重覆試過好多次唔同地方,即使香港車位較窄,都一樣可以成功泊到,仲要係一手搞掂。咁大部車,喺香港泊S位係唔容易,條路又多車,就算俾你泊到,分分鐘都要多過一手,泊得稍為慢少少都俾後面D車boot到你好緊張。到頭來一係就放棄,一係就承受住巨大壓力泊,心急少少就hi花左部車。#人類總是犯同樣的錯

有咗呢個auto parking,基本上可以交晒俾部車完成,個位泊得好靚又餘,泊車速度仲幾快!如果泊S位缺乏信心嘅朋友,我個人建議option加呢個功能。

 

如何使用

要開啟Auto Parking,個空位要有前車同後車停泊 (如果無前車或無後者,就不能夠開啟)。

1. 將車平排駛前至前車位置,成功的話儀錶板右方會出現”P”字

2. 出現”P”字,代表可以開啟Auto Parking。P字會有個「四方格」圍住,分為2個階段,如四方格為虛線,代表要再駛前一點,直至四方格變為實線,就可以停低。

3. 停車後,將波棍轉換做Parking Mode,17″ Dashboard下方會出現以下畫面,顯示你部車跟車位的位置。

auto-parking-enable

4. 按畫面藍色的”Start”制,Auto Parking就會自動開始。

5. 係咁多架喇。其他野例如軚盤同腳制,全部都由Tesla控制。當然,如果你覺得唔對路,可以隨時踩brake cancel auto parking。