電動車充電心得

 In 最新資訊, 充電相關

我發現無論新舊車主,對於充電未算十分了解,以下分享個人的充電心得,希望幫到大家。

跟車兩條充電線,有什麼用途?

剛收車的車主,跟車一定會有一條藍色充電線,有部分無得拉線的車主會將 Wall Connector 換做 UMC 充電器。呢兩條充電線究竟有什麼分別?

⬆︎跟車的藍色充電線
⬆︎跟車的藍色充電線

跟車的藍色充電線

上圖為跟車的藍色中速充電線,又稱為「中叉線」,支援最高三相32A 輸入 (唔知咩係「三相32A」係乜唔緊要,下文會再講),咩充電站先用到呢條線?

  1. 政府停車場32A中速充電站
  2. 中電停車場32A中速充電站
  3. 易充站 E-Charge 32A中速充電站
⬆︎ 32A充電站大致上都係呢個樣
⬆︎ 32A充電站大致上都係呢個樣

又或者再簡單啲講,只要充電站能夠插得入呢條充電線就已經適用。

支援32A的香港充電站

黑色的 UMC 充電線

⬆︎ UMC 充電線
⬆︎ UMC 充電線

UMC (Universal Mobile Connector) 充電線,原本設計用途為支援各種插頭的充電線,但香港黎講,應該係得 13A 三腳插頭的 adaptor 用得著,所以你可以理解 UMC 充電線的作用為可以用三腳插頭充電。13A 三腳插頭充電又稱為「慢叉」,有幾慢?如果去 Tesla Supercharger 由 0% 電叉滿一部 70D 大約要 1 小時,但如果用 13A 叉就要 25 小時。

我有齊呢兩條線,係咪可以去邊都叉到電?

有齊呢兩條線,原則上 90% 的充電站都充到電,剩低 10% 的充電站是什麼?就是 CCS 、 Type-1 (J1772) 及 CHAdeMO 制式的充電站了。越睇越亂?其實唔駛理咁多,都係嗰句,「插得入就叉得」,就係咁簡單。

⬆︎ CHAdeMO (圖左) 及 CCS (圖右) ,一睇就知插唔到落 Tesla
⬆︎ CHAdeMO (圖左) 及 CCS (圖右) ,一睇就知插唔到落 Tesla

至於 CCS、Type-1 及 CHAdeMO 有無得叉?暫時 CCS 及 Type-1 是沒有的,但 CHAdeMO 可以直接向 Tesla 購買。

⬆︎ Tesla 推出的 CHAdeMO adaptor,可直接向 Tesla 購買
⬆︎ Tesla 推出的 CHAdeMO adaptor,可直接向 Tesla 購買

不同充電站充電速度各有不同

成日聽日講快叉中叉慢叉,快叉有幾快,慢叉又有幾慢?又點樣分邊個充電站係快中慢叉?其實十分簡單。

充電時間
(快叉) Tesla Supercharger 充電:大約 1 小時
(快叉) CHAdeMO 充電:大約 1 – 2 小時
(中叉) Tesla Wall Connector (新版三相 32A) 充電:大約 5 小時
(中叉) 三相 32A 充電:有裝 Dual Charger 大約 5 小時,無就大約 8 小時
(中叉) 單相 32A 充電:大約 12 小時
(慢叉) 普通 13A 充電:大約 30 小時

⬆︎Tesla Supercharger 充電:大約 1 小時
⬆︎Tesla Supercharger 充電:大約 1 小時
⬆︎CHAdeMO 充電:大約 1 小時 (需額外購買 adaptor,如圖所示)
⬆︎CHAdeMO 充電:大約 1 小時 (需額外購買 adaptor,如圖所示)
⬆︎Tesla Wall Connector (新版三相32A) 充電:大約 5 小時
⬆︎Tesla Wall Connector (新版三相32A) 充電:大約 5 小時
⬆︎三相 32A 充電:大約 5 小時
⬆︎三相 32A 充電:大約 5 小時
⬆︎單相 32A 充電:大約 12 小時
⬆︎單相 32A 充電:大約 12 小時
⬆︎13A 充電:大約 30 小時
⬆︎13A 充電:大約 30 小時

進階班:13A、32A、三相32A係乜東東?

經常見到的什麼13A、32A,又單相又三相,究竟是什麼?其實就是充電器的輸出,充電器輸出的大小決定充電速度,越快當然越好,但又如何計算輸出呢?

以下是計算每小時充電輸出的方法

kWh = Volts x Amps

kWh 是電池量,例如 Model S 70D 就擁有 70kWh 容量電池。
Volts 是電壓,香港的交流電基本上是以 220v – 240v 為主。
Amps 是電流,電流多少則視乎各充電站輸出。

以下是一般 13A 英式插頭的輸出:
2.86kWh = 220v x 13A

由此可見,13A 插頭每小時可充電 2.86kWh。以擁有 70kWh 電池量的 70D 為例,要由 0kWh 充滿至 70kWh 就最少需要 70 / 2.86 = 25小時左右。但 Tesla 電池同跟 Notebook 電池一樣,為保護電池,80% – 100% 時充電速度會開始減慢,所以 13A 實際由 0kWh 充滿至 70kWh 大約需要 27-28 小時,90D則甚至去到 30 小時。除非私人車位有安裝 13A 充電器可以 charge overnight,否則 13A 並不是一個合適的充電選擇。

至於甚麼是三相電?簡單而言,三相電可以說成同一時間給你3個相附相成的電源,「理論上」三相電的充電速度可快過單相電 3 倍。理論上,三相32A電最高可以充電每小時 32km x 3 = 96km!比每小時 32km 的單相足足快足 3 倍!

為何是理論上?因為實際的充電速度還視乎你有否安裝 Dual Charger。

基本上剛購入的Model S只有Single Charger,每相電最高輸入只有16A,即使用三相32A充電,最高輸入上限只為16A x 3 = 48A。

安裝Dual Charger後,每相電最高輸入達到32A,能夠讓你完全發揮三相32A的充電速度,即為32A x 3 = 96A,1小時充電將可以行駛96km。

即使沒有安裝Dual Charger,三相32A最少都可以享有48A,仍然比單相32A為快50%,所以無論你部車有無裝Dual Charger,三相32A充電站點都係快D。

⬆︎ Dual Charger
⬆︎ Dual Charger

上圖就是Dual Charger,是安裝在車內的,所以安裝Dual Charger後Model S外型並不會改變。(有人以為Dual Charger係指用兩個充電器同時插落部車度…)

安裝Dual Charger費用HK$17,100,可以打電話去Tesla預約安裝,上次問過要擺低部車一星期左右。

有興趣了解 Dual Charger 可以參考我另一篇文章:應唔應該裝Dual Charger?

Tesla電池保養

基本上 Tesla 提供 8 年無限里數的電池保養,其實無需太擔心電池出現損壞問題。但如何保養電池,我亦可為大家分享少少心得。

車輛電池最好長期處於 30% – 90% 左右,以避免 overcharge 及 deep discharge。以70D為例,電池續航大約餘下 100km 左右就應該去充電。

充電時最好只充到 90%,即使要充到 100%,最好充電後 6 小時內要消耗返呢 10%,如果唔係就真係會傷電,長遠電池的續航力亦會慢慢減少。

Supercharger 是否唯一選擇?

雖然 Supercharger 充電係好快,但其實除了 Supercharger 外,其他充電站在我經驗看來並不會長期爆滿,加上最近中電積極地將慢速充電站改建為同時支援相 32ACHAdeMO CCS 的中快速充電站,亦是很好的選擇。附近有相 32A 充電站,可以考慮加裝 Dual Charger1 小時 96km3個鐘就可以充滿電。

P.S. 如果你搵過附近係冇中快速充電,而 Superchargers 又長期都爆,同埋你只有繁忙時間充電,屋企或公司樓下都無得拉線的話,充電對你黎講應該係幾嚴峻的問題。