電動車慳電心得

 In 最新資訊, 新Tesla車主

因為無得拉線的關係,點樣去慳電成為了相對重要的課題。以下分享幾個慳電的方法,希望幫到大家。

(P.S.:如果你唔覺得出街充電係咩一回事,呢篇分享就未必啱你了)

前題:係咪真係有需要慳電?

大家先計一計,你一個星期要充幾多次電?起初我為咗減少充電次數,即使明知會傷電,但盡可能都想充電到 100%,因為相比 90% 電我可以行多 36km36km 足夠我揸多一日。後來,我計過我每日大約行40km,連埋每日泊車耗電10km,即是每天總耗電為大約50km,一星期即是大約350km,但我每星期總會有一至兩日出九龍,所以預鬆少少就是一星期行400km,如果我揸90D,的確可以一星期只充一次電,但我部 70D 就唔可以了。當計過呢條數之後,既然一星期點都要充兩次電 (充兩次電即係夠我一星期行600km),所以我從此就只充電到 90%,亦唔會再特別去慳電了。

但如果你計過條數,發覺係有可能將每星期充電次數減少一次,咁以下慳電方法就非常幫到手了。

全車最耗電的部分

要慳電之前,首先要知道最影響 Tesla 續航力的部分:

  • 車速
  • 上落斜
  • Battery Heater / 冷氣系統
  • 閣下嘅黃金右腳

老生常談:控制車速

最影響續航力的一定是車速,不斷俾電其實就係同風阻 + 摩擦力鬥,Tesla 的每公里耗電量 (wh/km) 大約是車速的 2 次方,換言之,你開到 100km/hr 會相比 50km/hr 每公里耗電大約 4 倍,所以要慳電,首要控制車速。

此外,跟汽油車一樣,加速的幅度及車速的穩定度同樣影響續航力,開啟 Traffic-Awared Cruise Control (TACC) 固然是其中一個方法。但 TACC 設計出黎目的並不是用黎幫你慳電,我發覺如果右腳控制得好的話,係可以比 TACC 更慳電的。

減少踩 brake,善用 Regenerative Braking

每一次踩 brake,都係 energy waste,所以請善用 Regenerative BrakingRegenerative Braking 剎車系統,每次鬆開油門時會產生逆向磁場協助減速,同時把能量變回電儲存,車輛好快減速就像拖了一波一樣,除了令電池續航力更長外,更可減少使用 brake 次數。先將 Regenerative Braking 設定為 Standard,於駕車時 keep 住「用右腳印住個油門一直俾電控制力度,甚至減速,到需要較急剎車或幾乎停車時先踩 brake」的話,就可以好慳電。

⬆︎ Controls > Driving > Regenerative Braking > On
⬆︎ Controls > Driving > Regenerative Braking > On

開啟 Range Mode

當電池處於低溫狀態時,內阻會提升,為了保護電池,車子的動力輸出及輸入都會受限制,所以電動車電池是備有 heater,讓車子能夠正常運作及充電。當然,啟動 heater 亦需要用電,車廂冷氣亦同樣要用電,而 Range Mode 的作用是透過犧牲 heater 及冷氣系統的一部分效能來提升續航力。我試過開啟 Range Mode 後續航力的確增加不少,值得一試的。

⬆︎ Controls > Driving > Range Mode > On
⬆︎ Controls > Driving > Range Mode > On

開啟 Energy Saving

Energy Saving 的作用是將車子的網絡連線切斷,從而達致慳電目的。基本上車子在深夜至晨早時是預設開啟了 Energy Saving 的,但如果你再徹底一點,是可以手動將 Energy Saving 長期開啟,車子就會長期切斷網絡連線。

開啟了 Energy Saving 會否令 Tesla App 連唔到部車?唔會的,不過要 load 耐好多,所以值唔值得開就見仁見智了。

⬆︎ Controls > Displays > Energy Saving > On
⬆︎ Controls > Displays > Energy Saving > On

因電動而買,因電動而煩,何必呢?

老實講,我從 Day 1 到現在都一樣咁享受揸 Tesla 的樂趣,電費咁平,揸車仲平過搭車,又唔需要特別慳電。即使我樓下無得拉線,充電對我黎講並不麻煩,我一直都有周圍搵偏門的充電站,所以去充電的時間好少要等。近日成日見到啲車主喺度怨怨怨,坦白講,supercharger 起出黎嘅目的唔係做你唯一的 power source。如果你去親 supercharger 充電都要排隊又別無選擇的真係唔好揸,唔想用腦解決充電問題都一樣唔好揸。買部車返黎係為咗方便自己,社會已經夠多負能量,無謂令自己更多負能量,如果揸得咁唔開心,不如賣咗佢,從此脫苦海!