邊款 Model S 型號適合你?

車款上有分為60、60D、75、75D、90D、P100D 幾款,看似很複雜,其實很簡單。

首先,數字代表電池量,”60”代表電池量為60kWh,越高電池量代表續航力越長。
其次就是 ”D” 和 ”P” ,”D” 是指 Dual Motor (雙摩打) 四輪驅動,沒有 ”D” 就代表車款是以後輪驅動。”P” 是指Performance,車款性力會大複提升,例如聞名的 Ludicrous Mode,就只有P100D的車款才擁有 0-100km 只需 2.7 秒的爆炸力。

型號簡介

60 – 最經濟款式,入場費只需HK$555,200。

60D – HK$594,000,四輪驅動的 60,轉彎咬地更穩,受惠於四輪驅動,起步加速及續航力比 60 更長。除非你每日行足 300km,如屋苑停車場或公司有充電配套而無需倚賴 supercharger 的話,60D 絕對是最抵玩的款式。

75 – HK$620,900,起步加速極速等性能與 60kWh 型號一樣,與 60kWh 型號的唯一分別只是電池量。

75D – HK$659,700,四輪驅動的 75。

90D – HK$738,200,無論加速力及續航力均比 75D 為高,以香港路面環境及充電站數量而言,是 Budget 許可及缺乏充電配套之下個人最建議訂購的款式

P100D – HK$1,087,600,目前為止最高級的 Model S 車款,如升級 Ludicrous Speed 後,加速力去到 1.1G ,0-100km 只需 2.7 秒,即係仲快過跳樓

 

個人建議

每人對於續航力、性能、甚至每天行車距離都各有不同,以下個人建議是建基於 budget 有限,以及考慮充電配套的方便性而寫的。給予個人建議前,我先描述一下自己的情況。

我居住屯門,於荃灣工作,一星期有一至兩天到九龍區開會,假日亦會跟家人到九龍區用饍和閒逛。我偶爾會 enjoy 起步加速的快感,但並不太追求速度上的極緻,駕車習慣是僅僅去到 speed limit (有時多少少啦,屯門公路,你懂的)。為減少充電次數和令家人坐得舒適,一般而言我是揸斯文車的。屋苑樓下及公司樓下都有中速及慢速充電,但我都沒有用過,因為我附近有方便及免費的充電站,我的車款是 70D。

60 vs 60D

60D 性能比 60 高,起步更快,四輪驅動的 60D 轉彎咬地更穩定。唔好以為性能高過 60 所以要犧牲續航力,受惠於四輪驅動,續航力反而比 60 高,簡單啲講即係無得輸。亦因為有 Tesla 回購計劃,我相信現時大部分車主都會選擇上會,我認為反正上會,這 HK$40,000 是值得升級的。

至於 60D 會否續航力不足?除非你每日行駛超過 300km,如果自己可以拉線充電,又或者附近有方便的充電配套,續航力達 312km 的 60D 綽綽有餘了。雖然我無得拉線充電,但附近有方便的充電配套 (方便意思即係唔駛排隊幾乎隨時有得叉,隨時有得叉先叫做方便,因為很重要所以要講 3 次,要知道附近有無得充電,可以參考由車友 Locky 提供的 Best Tesla Model S-friendly Car Parks,然後平日親身去睇下多唔多人充電就知方便與否),依我目前的使用習慣及經驗,我認為 60D 是足夠的。如有睇過我舊文章 《Tesla Model S 60 型號,其實比想象中更抵玩》的話,應該知道 60kWh 型號其實本身就是 75kWh 相同型號,只是被 Tesla software lock 了在 60kWh,所以 60D 可 100% 充電而不傷電,60D 充滿後可以行 312km,我每天經屯門公路來回大約 40km 左右,扣埋泊車的耗電量,每天大約用 50km左右。基本上一星期到就近的快速充電站充一次電,每次泊到其他有提供充電站的停車場就順手充電,基本上是足夠有餘的。

60D vs 75D vs 90D

個人經驗,90D 適合兩類車主,1) Budget 比較鬆動的車主 2) 樓下無得拉線充電的車主。90D Budget 比較鬆動的話,90D 當然最佳,無論加速力及續航力均比 75D 為高。另外,樓下無得拉線充電的話,90D 可以讓你減少出街充電次數。

個人不太建議選擇 75D,上文都講過,60kWh 型號其實本身就是 75kWh 相同型號,只是被 Tesla software lock 了在 60kWh,以不傷電為前題的話,60kWh 型號可以充滿 100% 電 (續航 312km),但 75kWh 型號一般只會充到 90% 電 (續航 351km)。大家可以先計一計,你一個星期要充幾多次電?以本人為例,我計過我每日大約行40km,連埋每日泊車耗電10km,即是每天總耗電為大約50km,一星期即是大約350km,但我每星期總會有一至兩日出九龍,所以預鬆少少就是一星期行400km。當計過呢條數之後,如果我揸90D,的確可以一星期只充一次電,但明顯地無論我揸 60D 還是 75D,我同樣都需要一星期充電超過一次,那麼我根本無需要花多 $60,000 買 75D。

至於 P100D,我有幸試駕過一次 P85D,起步加速真的很驚人,但香港路面情況真係冇幾可俾你用到,還犧牲了續航力,多付 $26 萬去將起步加速提升 2 秒,畢竟 70D 的加速已經嚇親我好多朋友了,但 budget 鬆動的朋友就索性攻頂吧。

P.S. 近排有朋友想買 Model S,每日都揸最少 100km,但屋苑同附近都無得充電。以咁嘅情況,就算買 90D 都多都只捱到四日,由於無方便的充電站,每星期仲要揸出去出面排 supercharger 最少兩次,我就絕對唔建議佢買 Model S 了。