再幫襯 GTECHNIQ,鍍膜質素實在太好了

有睇開我文章的車友都知道,我去年選擇了 GTECHNIQ 幫我部 Model S 做鍍膜 coating (前文:Gtechniq,果然很堅的 coating 鍍膜服務)。到今次 Model X,老闆 Johnny 很快便推出了 Model X 專用的鍍膜服務,經各間鍍膜公司了解及比較下,GTECHNIQ 的 Model X 鍍膜服務依然更全面,加上早前幫襯過 GTECHNIQ 的經驗,所以很快就落訂預約。

其實做完鍍膜相隔至今已經超過 1 星期了,因為想分享得深入一點,所以現在才寫 review 比較有深度。

GTECHNIQ-hk-Model-X-coating-02

究竟 Model X 專用鍍膜包啲乜?

自從轉揸了 Model X 後,我去做汽車美容或代客泊車都比較小心,如果車房太細的話有機會碰撞到翼門,又或者師傅可能唔識用度翼門以引致不必要意外。幸好我到店鋪後,原來老闆 Johnny 早在 Model X 未在香港交車前已經做資料搜集了解過翼門的運作,我亦現場示範了一次翼門的操作方式及限制。現在 Facebook 見到老闆已經做了咁多部 Model X,相信翼門現在對他們來說是駕輕就熟。

到達 GTECHNIQ 店鋪後,Johnny 先仔細檢查一次整部車,然後講解整部車會做鍍膜的部分。Johnny 講解的期間我拍了片,讓大家參考一下 (記得開聲聽)

Johnny 話佢做過的 Model X 車漆大部分都有 overpaint 及花痕問題,會盡量補救。但遇著 paint defect 問題比較嚴重的車主,他反而建議先回廠搞,搞好先再返來做鍍膜,不希望「夾硬」上 coating。

他同時提及幾點車主要留意:

  1. 車身的黑色膠邊 (裙腳) 位其實需要注意,曬得多就會變白,做鍍膜可以解決
  2. 車門腳踏位雖然是金屬,但比 Model S 的腳踏更易花,可以貼保護貼解決
  3. 黑色鋼琴面的椅背同樣很易花,屋企人朋友未必錫你部車,上落車一踢就花,鍍膜都未必保到,唔怕肉酸可以淘寶買保護墊,否則最好貼保護貼
  4. 黑色、白色和藍色車漆較軟,要及早做鍍膜
  5. 其餘都係睇返上面 video 由 Johnny 親自講解
  6. 無 discount,網頁價錢為一口價
GTECHNIQ-hk-Model-X-coating-09
⬆︎ 黑色的裙腳位如果無做鍍膜曬得多會變白
GTECHNIQ-hk-Model-X-coating-10
⬆︎ 金屬腳踏位置很容易花

至於整個鍍膜服務的範圍,不妨參考他們的網頁,裡面都描述得幾清楚。

http://www.gtechniq-hk.com/tesla-model-x-專用鍍膜服務/

收車心情:相比喺 Tesla 收車更似收新車,車身真係好滑

其實都要吐糟一下,可能因為趕交車,在 Tesla 收車時,其實部車真係唔多乾淨,全車玻璃由外至內都有一撻撻的水印,電鍍的窗框多汚漬,座椅都不乾淨,車身花痕都唔在講。加上我是過年前的最後一天交車,所以再到 GTECHNIQ 做鍍膜時已經是過年後,全車已滿佈汚漬,白色車尤其明顯。

兩天後在 GTECHNIQ 取車,全車徹底潔淨。今次我做的是 7 年的鍍膜,車身的花痕亦已經修正,車身摸上手十分滑,Johnny 趁有時間亦即場示範玻璃的跣水效果。

GTECHNIQ-hk-Model-X-coating-11
⬆︎ 示範跣水效果,詳情請睇片

全高清版請按此

車身更光澤,白色車身都變得「襟」汚糟

今次我亦嘗試揸出街影一些相及拍片給大家參考。不過說實話,其實睇相睇片都不及現場肉眼睇到分別有幾大。今次我不會著墨太多於外觀上,我主要想分享一下從 GTECHNIQ 收車一星期後無洗車的程況下,相比無做鍍膜無洗車一星期的分別。

因為農曆新年的關係,我整整一個星期沒有洗車。眾所周知白色車身很容易見到汚漬,如果未做鍍膜的 Model X 車主每天都要用車及幾日無洗車之後,應該會發現全車裙腳位十分汚糟。最大問題是開翼門的時候,翼門開啟後裙腳位的汚漬就在你眼前。

DCIM100GOPROG0020064.JPG
⬆︎ 開翼門的時候,裙腳位就在你眼前

在樓底低的地方上落車,翼門還不能夠全開,你還要「捐」過這度翼門上車,真係睇見都唔開胃。但做鍍膜後,同樣一星期後,全車裙腳位的汚漬大覆減少變成只有幾點油漬。Johnny 講鍍膜因為密度高及有專利塗層,所以不容易沾上汚漬,加上今次連 4 條鈴都有做鍍膜,所以全車保護及防汚效果都十分明顯。基本上一星期唔洗車,部車望落去都係好乾淨。

以下圖片是我無洗車 4 日的情況下拍攝,這 4 日我在九龍和新界行駛了大約 300km。

GTECHNIQ-hk-Model-X-coating-00
⬆︎ 盡量影,但睇相都唔及現場肉眼睇到做完鍍膜有幾大分別
GTECHNIQ-hk-Model-X-coating-0
⬆︎ 4 日無洗過車,都仍然很乾淨
GTECHNIQ-hk-Model-X-coating-03
⬆︎ 盡量影反光效果

內籠大部分都保護晒!

先講最易出事的兩個位置,金屬腳踏位及黑色鋼琴面的椅背,真係好靚但好唔襟,上網已經見到幾位 Model X 車主被親烕朋友唔覺意整花了。有車友選擇淘寶買椅背護墊,個人十分喜歡這塊鋼琴面,所以值唔值得花錢貼保護膜好講個人需要,但貼完之後我真係好放心。未貼保護膜之前親戚朋友上落車都會講聲「唔緊要架,唔駛急慢慢落就得」,其實心入面嗰句就係「千萬唔好踢花個椅背同腳踏」,然後趁無人時就 check 有無花到。貼完保護膜後我變得好放心,除非佢鞋面鞋底裝刀片,否則真係接近刀槍不入。師傅貼膜手勢很好,貼完都好似無貼一樣,很厲害。

GTECHNIQ-hk-Model-X-coating-06
⬆︎ 貼完保護膜後的腳踏
GTECHNIQ-hk-Model-X-coating-05
⬆︎ 椅背貼完好似無貼一樣,手工很好

除了椅背及腳踏位置外,全車皮革都做到皮革保護,Johnny 話會變得容易打理,由於座椅還很新淨,所以需要時間證明,有待日後測試。至於特別要求的 GTECHNIQ 車匙鍍膜服務當然唔少得!Model X 的原裝車匙套遲遲未有,所以車匙保護都很重要。

GTECHNIQ-hk-Model-X-coating-12
⬆︎ 特別要求的車匙鍍膜服務 ?

後補:售後服務一流

收車一星期後收到 Johnny 電話,他發現有車主的翼門腳踏除了金屬位易刮花外,其餘部份同樣容易刮花,所以安排我回去免費補貼額外的 PPF,這種售後務真的值得一讚。

gtechniq-tesla-model-x-ppf
⬆︎ 安排我回去免費補貼額外的 PPF,這種售後務真的值得一讚。

後記:敬業樂業的精神,GTECHNIQ 做到

第二次幫襯 GTECHNIQ 做鍍膜了,無論有幾多客都好,年輕老闆依然親力親為。個人十分欣賞老闆 Johnny 對手工質素的要求,很多一般車房都不會做鍍膜的部分例如裙腳底、整個車鈴、門較位等佢地都會做,從言談間亦感受到老闆對鍍膜質素的執著和熱誠。親眼見證老闆兩年前由土瓜灣的小舖位開始,到現在搬大舖,甚至 Tesla 車友之間幾乎無人不曉,絕對是他們這段期間努力的成果。老闆還熱衷地向我分享車鈴鍍膜的效果和一些 GTECHNIQ 新版本鍍膜的測試。自己都係做生意,只要喜歡自己的工作和有熱誠,成功才會親自來找你。Johnny,祝你們越來越成功。

P.S. 有車友話 facebook inbox 問老闆嘢一句起兩句止有點串,好似唔恨做你生意咁。以我所見,佢地真係忙得好緊要無時間覆,加上網上文字表達唔係咁叻,其實老闆真人好 nice,只是十隻手指有長短罷了。

相關文章