充電駛唔駛錢？

By
 In 準Tesla買家
充電駛唔駛錢？

目前香港大部分公共充電站 (包括商場、政府停車場及 Tesla 提供的 Wall Connect) 是免費充電的。換言之，你一個月入幾多錢油，駕駛 Tesla 就可以便宜幾多。

而 Tesla Supercharger 則按充電時間收費，費用由每分鐘 HK$1.5 – HK$3 不等。假設你每月行 1000km，而需要用 Supercharger 並以 60kW (HK1.5 收費) 充電，那一個月充電支出就約為最少 HK$300 – $400，詳情可參考這篇文章。

即使是私人屋苑、商業大廈停車場、或自行拉線的充電位，一般都是以約 HK$1/kWh (1度電) 收費，換算後大約每公里 HK$0.23 – HK$0.3 (當然視乎你的右腳有幾大力)。

經下面條link訂購 Model S / X / 3，可享有最少 1,500km 免費 Supercharger 充電額度。
http://ts.la/chris5532

相關文章

  • 電動車牌費平幾多？

    根據運輸署公布，純電動車是以車重來計算牌費；首1,000kg牌費為HK$440，之後每250kg加HK$95。以Tesla Model S 85為例，車重為2,108kg，每年牌費為HK$915。而1,500cc以下的汽油車最少都要HK$3,929，何況跟Tesla性能同級的汽油車大約屬於3,500cc至4,500cc的別，牌費已經要HK$9,534了。一年足足慳HK$8,500。

    閱讀全文

  • 充電要幾耐？

    充電時間視乎你所購買的 Tesla 車款的電池量，以及充電站的輸出。 以 Model 3 Standard Range+ 為例，電池量為 55kWh。假設電池量為 0% 的狀態下充滿電的所需時間： Tesla Supercharger 充電：大約 40 分鐘 中電 CCS 充電：大約 1 小時 三相 32A 充電：大約 4 小時 單相 32A 充電：大約 7 小時 普通 13A 充電：大約 16 小時

    閱讀全文

  • 樓下無得充電，會唔會好麻煩？

    相信你總會有身邊的朋友講「充電係電動車死症，樓下無得充電就唔駛諗」。老實講，而家街上咁多Tesla，唔通個個車主屋企都係住house咩。根據Tesla提供的資料，大部份香港Tesla車主其實都是住普通私人屋苑，亦唔係每個屋苑都有提供充電站。 以我本人為例，我的屋苑停車場是有充電站的，而且還是3相32A輸出 (即每小時96A) 的充電站，收費每小時亦只需HK$30，即大約每度電 (kWh) HK$1.43，價錢亦尚算合理。我的屋苑暫時泊有大約10部Model S，但到目前為止，我仍然沒有使用過屋苑停車場的充電站，而且我亦很少見到其他Tesla車主使用該充電站。點解？因為現時公共停車場充電是免費的，除非救命，否則我是不需要付費去充電的。

    閱讀全文

  • 充滿電可以行幾耐？

    視乎你所訂購的Model S型號的電池量，以現時Tesla的最入門款式Model S 70為例，電量為70kWh，充滿電後最長續航距離為370公里，以網友們的使用經驗，實際最少都有約355公里。

    閱讀全文

  • 電動車安唔安全？

    其實油站入油都好危險，有人喺油站食煙或者入油過程中撻匙都會隨時爆炸。很多時認為一件事危險，是因為對新事物不了解，當開始慢慢了解電動車後，就會開始發現電動車隨時比汽油車更安全。

    閱讀全文

  • 我試完車，發覺部車好chok，好唔舒服

    相信大部分試過車、甚至是剛剛收車的Tesla車主都曾經覺得電動車減速好快，好容易會揸到chok下chok下好唔舒服，甚至全車人都想嘔。這個問題亦曾經發生在我跟太太身上，這是由於Tesla有Regenerative Brake剎車系統，每次鬆開油門 (電門?) 時會產生逆向磁場協助減速，同時把能量變回電儲存，車輛好快減速就像拖了一波一樣，除了令電池續航力更長外，更可減少使用brake (迫力) 次數。唔同一般汽油車，收油後車輛像滑翔向前溜走。所以駕駛習慣就要變為由「俾一俾油，鬆油門溜溜，再俾油」變為「用右腳印住個油門一直俾電控制力度，甚至減速，到需要較急剎車或幾乎停車時先踩brake」。 我大約用了2-3天時間適應這種駕駛方式，現在已完全適應了，太太覺得現在比舊車坐得更smooth更舒適。

    閱讀全文

  • Tesla有幾高科技？

    Tesla本身係一間科技公司，而唔係汽車廠。所以部車都幾多高科技嘢，例如： Auto Steer 就是最近多得蘋果動新聞及某位唔識高科技的P85D車主而被運輸署禁止的那個自動駕駛功能，基本上我「之前」每天來回屯門公路及其他highway有90%時間都開啟了這個功能，使用得宜就知道十分安全。

    閱讀全文